ప్రభుత్వరంగ బ్యాంకింగ్‌ సంస్థ పంజాబ్‌ నేషనల్‌ బ్యాంక్ తమ కస్టమర్లకు కీలక ప్రకటన చేసింది. వచ్చే నెల ఒకటో తేదీ నుంచి ఓరియెంటల్‌ బ్యాంక్ ఆఫ్‌ ఇండియా(ఓబీసీ), యునైటెడ్‌ బ్యాంక్ ఆఫ్‌ ఇండియా(యూబీఐ) చెక్బుక్లు పనిచేయవని స్పష్టం చేసింది. ఈ బ్యాంకుల ఖాతాదారులు కొత్త చెక్బుక్లు తీసుకోవాలంటూ ట్విటర్‌ వేదికగా వెల్లడించింది.
గతేడాది ఏప్రిల్‌లో ఓబీసీ, యూబీఐ బ్యాంకులను పంజాబ్‌ నేషనల్‌ బ్యాంక్లో విలీనం చేసిన సంగతి తెలిసిందే. అయితే విలీనమైనప్పటికీ ఇప్పటివరకు పాత చెక్‌బుక్‌లనే కొనసాగించారు. అయితే అక్టోబర్ 1వ తేదీ నుంచి ఆ చెక్బుక్లు పనిచేయబోమని పీఎన్బీ తాజాగా వెల్లడించింది. ఈ బ్యాంకుల ఖాతాదారులు వీలైనంత త్వరగా పీఎన్బీ ఐఎఫ్‌ఎస్‌సీ, ఎంఐసీఆర్‌లతో ఉన్న కొత్త చెక్బుక్లను తీసుకోవాలని తెలిపింది.
ఏటీఎం, ఇంటర్నెట్‌ బ్యాంకింగ్‌, పీఎన్బీ వన్‌ నుంచి వీటిని దరఖాస్తు చేసుకోవాలని పేర్కొంది. లేదంటే కస్టమర్లు నేరుగా బ్యాంకు బ్రాంచీలకు వెళ్లి కూడా కొత్త చెక్బుక్లు తీసుకోవచ్చని తెలిపింది.
ఇదీ చదవండి: ఉద్యోగంలో గ్యాప్ వచ్చిందా.. ఈ రిక్రూట్‌మెంట్ డ్రైవ్ మీకోసమే!
