వాట్సాప్‌ వినియోగదారులపై సైబర్​ దాడి!

వాట్సాప్​ ఖాతాదారుల సమాచారం సైబర్​ దాడికి గురయ్యే ప్రమాదం ఉందని సీఈఆర్​టీ హెచ్చరించింది. వినియోగదారులకు సంబంధించిన సున్నితమైన సమాచారాన్ని దారి మళ్లించే లోపాలను వాట్సాప్​, వాట్సాప్​ బిజినెస్​ యాప్​లలో గుర్తించినట్లు తెలిపింది.

వాట్సప్‌ వినియోగదారుల సమాచారం సైబర్‌ దాడికి గురయ్యే ప్రమాదముందని దేశ సైబర్‌ సెక్యూరిటీ ఏజెన్సీ (సీఈఆర్​టీ) హెచ్చరించింది. వాట్సాప్‌, వాట్సాప్‌ బిజినెస్‌ యాప్‌లలో వినియోగదారుల సున్నితమైన సమాచారాన్ని పక్కదారి పట్టించే సాంకేతిక లోపాన్ని గుర్తించినట్లు సీఈఆర్​టీ వెల్లడించింది. దీని ద్వారా వినియోగదారుల వ్యక్తిగత సమాచారం సైబర్‌ ముప్పునకు గురయ్యే ప్రమాదముందని హెచ్చరించింది.