కరోనా వ్యాప్తి నేపథ్యంలో మరిన్ని వాహన కంపెనీలు ఉత్పత్తిని తాత్కాలికంగా నిలిపివేస్తున్నట్లు ప్రకటించాయి. కొనుగోలుదార్లు, ఉద్యోగులు, సరఫరాదార్ల ఆరోగ్య పరిరక్షణ నిమిత్తం ఈ చర్య తీసుకున్నట్లు తెలిపాయి.
టీవీఎస్‌ మోటార్‌: భారత్‌, ఇండోనేసియాలలో ప్రభుత్వాల నుంచి తదుపరి సమాచారం వచ్చేవరకు ఉత్పత్తి నిలిపేస్తున్నాం. కొందరు ఉద్యోగులు ఇంటి నుంచే పనిచేసేలా అనుమతులిచ్చాం. ఉద్యోగాలు, వేతనాలు పరిరక్షిస్తామని హామీ ఇచ్చాం.
కియా మోటార్స్‌: తదుపరి ఆదేశాలిచ్చే వరకు అనంతపూర్‌ (ఆంధ్రప్రదేశ్‌)లోని తయారీ ప్లాంటు, కంపెనీ కార్యాలయాలు మూసి ఉంటాయి.
బీఎండబ్ల్యూ గ్రూప్‌ ఇండియా: విక్రయాలు, ఆర్థిక సేవల విభాగాల్లోని ఉద్యోగులు ఇంటి నుంచే పని చేసే వీలు ఈ నెల 31 వరకు కల్పించాం. చెన్నై ప్లాంటులో ఉత్పత్తి కూడా అప్పటివరకు నిలిపేశాం.
రెనో ఇండియా: 'చెన్నైలోని రెనో నిస్సాన్‌ ఆటోమోటివ్‌ ఇండియా ప్లాంటులో ఉత్పత్తి తాత్కాలికంగా నిలిపేశాం. ప్రభుత్వ తదుపరి ఆదేశాలకు అనుగుణంగా వ్యవహరిస్తాం’ - ఎండీ వెంకట్రామ్‌ మామిళ్లపల్లి
హ్యుందాయ్‌, టయోటా కిర్లోస్కర్‌ మోటార్‌: తదుపరి ఆదేశాలు ఇచ్చే వరకు ఉత్పత్తి నిలిపేస్తున్నాం.
జనరల్‌ మోటార్స్‌: ఈనెల 31 వరకు ఉత్పత్తి ఆపేస్తున్నాం.
ఇదీ చూడండి:తగ్గనున్న అమెజాన్ ప్రైమ్ వీడియో క్వాలిటీ!
