పాక్​ దుర్నీతికి మరో భారత జవాన్​ బలి

పాకిస్థాన్ మరోసారి కాల్పుల విరమణ ఒప్పందాన్ని ఉల్లంఘించింది. జమ్ముకశ్మీర్​ రాజౌరి జిల్లాల్లో నియంత్రణ రేఖ వెంబడి మోర్టార్​ షెల్స్​తో దాడులకు పాల్పడింది. ఈ ఘటనలో ఓ భారత జవాన్​ మృతి చెందాడు.

పాకిస్థాన్​ మరోసారి తన వక్రబుద్ధిని ప్రదర్శించింది. జమ్ముకశ్మీర్​ రాజౌరి జిల్లాలో నౌషెరా సెక్టార్‌ వద్ద మోర్టార్​ షెల్స్​ని ప్రయోగించింది. ఈ ఘటనలో ఓ జవాన్​ అమరుడైనట్లు అధికారులు తెలిపారు. పాక్​ చర్యకు భారత సైన్యం దీటుగా బదులిచ్చిందని పేర్కొన్నారు.

నౌషెరా సెక్టార్​ వద్ద శుక్రవారం సాయంత్రం 3:30 గంటల సమయంలో ఓసారి, 5.30కు మరోసారి పాక్​ బలగాలు దాడులకు పాల్పడ్డాయని వెల్లడించారు.

ఇదీ చూడండి: పాక్​లో గుడి కూల్చివేతపై భారత్ నిరసన