అసోంలో మతకలహాలు సృష్టించేందుకు ఉగ్రవాద సంస్థ ఆల్ఖైదాతో కలిసి పాకిస్థాన్కు చెందిన ఐఎస్ఐ కుట్ర పన్నినట్టు నిఘా వర్గాల సమాచారం. దీనిపై ఇప్పటికే ఆ రాష్ట్ర పోలీసులు రెడ్ అలర్ట్ను ప్రకటించారు. ఇందుకు సంబంధించి రాష్ట్రవ్యాప్తంగా ఉన్న అన్ని జిల్లాల అధికారులకు శనివారం భద్రతాదళాలు సమాచారాన్ని అందించాయి. అవాంఛిత ఘటనలు అడ్డుకోవాలని ఆదేశించాయి.
గువాహటిలో ఇటీవల భారీగా మారణాయుధాలు స్వాధీనం చేసుకున్న తరుణంలో ఈ వార్తకు ప్రాధాన్యం సంతరించుకుంది. ఇందుకు సంబంధించి.. ఈనెల 6న రాష్ట్రవ్యాప్తంగా హెచ్చరికలు జారీ చేశామని అడిషనల్ డీజీపీ హిరెన్ నాథ్ వెల్లడించారు.
కశ్మీర్పై ఉగ్రవాద సంస్థ ఇటీవలే ఓ వీడియోను విడుదల చేసింది. అందులో అసోంలో మైనారిటీలపై దాడులు జరుగుతున్నాయని ఆరోపించింది. ఈ నేపథ్యంలో అధికారులు అప్రమత్తమయ్యారు. అన్ని చర్యలు చేపట్టారు.
ఇదీ చూడండి : అంటరాని గాంధీజీ.. మహాత్ముడికీ తప్పలేదు!
