Odisha boy innovation: చదివింది ఏడో తరగతి. చేస్తుంది ఎలక్ట్రిషియన్ ఉద్యోగం. అయితేనేం వినూత్న ఆలోచనకు శ్రీకారం చుట్టాడు ఆ యువకుడు. పాలిథీన్, ప్లాస్టిక్ బాటిళ్లను ఉపయోగించి పెట్రోల్, గ్యాస్ను వెలికితీస్తున్నాడు ఒడిశాకు చెందిన అజయ్ బెహరా. తాను తయారుచేసిన లీటర్ పెట్రోల్తో బైక్పై 50 కిలోమీటర్లు ప్రయాణించవచ్చని చెబుతున్నాడు. ప్రభుత్వం సాయమందిస్తే మరిన్ని పరిశోధనలు చేస్తానని, తక్కువ ధరకే పెట్రోల్ లభిస్తుందని అంటున్నాడు.
వృథాగా పోయే ప్లాస్టిక్ బాటిళ్లు, పాలిథీన్ వస్తువులను ఉపయోగించి పెట్రోల్ను తయారు చేస్తున్నాడు రాధాచరణ్పుర్లో ఉండే అజయ్. రోజుకు 12 నుంచి 13 కేజీల పాలిథీన్ను సేకరిస్తున్నాడు. దీంతో సుమారు 7-8 లీటర్ల పెట్రోల్ను తయారుచేస్తున్నాడు. పర్యావరణానికి హాని చేసే ప్లాస్టిక్ను తగ్గించడంలోనూ యువకుడు కీలక పాత్ర పోషిస్తున్నాడు. తన లక్ష్యం కోసం సొంత బైక్ను 80 వేల రూపాయలకు అమ్మేశాడు. స్నేహితుల వద్ద కొంత అప్పు చేసి.. పెట్రోల్ తయారుచేసే యంత్రాన్ని కొన్నాడు. అలా పాలిథీన్, వాటర్ బాటిళ్లను నిర్దిష్ట ఉష్ణోగ్రత వద్ద మండించి పెట్రోల్ను తయారు చేస్తున్నాడు అజయ్. ఒక కేజీ పాలిథీన్తో 600 గ్రాముల పెట్రోల్ తయారవుతుందని అంటున్నాడు. అతడి కృషి పట్ల గ్రామస్థులు హర్షం వ్యక్తం చేస్తున్నారు.
ఇదీ చదవండి: ఆ జిల్లాలో మంకీ ఫీవర్ కలకలం.. ఆసుపత్రులకు జనం పరుగులు!
