భారత్కు చెందిన మత్స్యకారుల పడవపై పాకిస్థాన్ మారిటైం సెక్యూరిటీ ఏజెన్సీ(పీఎంఎస్ఏ) కాల్పులు జరిపింది. గుజరాత్ తీరంలోని అంతర్జాతీయ మారిటైం సరిహద్దు రేఖ వద్ద ఈ ఘటన జరిగింది.
ఈ కాల్పుల్లో మహారాష్ట్ర, ఠాణేకు చెందిన శ్రీధర్ రమేశ్ చమ్రే(32)అనే మత్స్యకారుడు మృతిచెందాడు. మరొకరికి గాయాలయ్యాయి. శనివారం సాయంత్రం 4 గంటల సమయంలో ఈ ఘటన జరిగింది. కాల్పుల సమయంలో పడవలో ఏడుగురు ఉన్నట్లు దేవ్భూమి ద్వారక ఎస్పీ సునీల్ జోషీ తెలిపారు. వీరిలో ఐదుగురు గుజరాత్కు చెందినవారు కాగా ఇద్దరు మహారాష్ట్ర జాలర్లని వివరించారు.
జాలరి రమేశ్ చమ్రే మృతదేహాన్ని ఓకా పోర్టుకు ఆదివారం తీసుకొచ్చినట్లు పోలీసులు తెలిపారు. ఈ ఘటనపై పోర్బందర్ నవీ బందర్ స్టేషన్లో కేసు నమోదు అయిందని, దర్యాప్తు చేస్తున్నట్లు పేర్కొన్నారు.
ఇదే ఘటనపై ఇండియన్ కోస్ట్ గార్డ్(ఐసీజీ) స్పందించింది. కేసు దర్యాప్తులో ఉందని తెలిపింది. దర్యాప్తు పూర్తయ్యాక వివరాలు వెల్లడిస్తామని పేర్కొంది. పడవలోని మరో ఆరుగురు జాలర్లను అరెస్ట్ చేశామన్న పాక్ ప్రకటనపైనా ఐసీజీ స్పందించింది. అరెస్ట్లను తాము ఇంకా ధ్రువీకరించలేదని పేర్కొంది.
