స్మార్ట్ సిటీస్ కాంపిటీషన్-2020 అవార్డును రెండు నగరాలు సంయుక్తంగా దక్కించుకున్నాయి. కేంద్ర గృహ, పట్టణ వ్యవహారాల శాఖ శుక్రవారం ప్రకటించిన జాబితాలో.. మధ్యప్రదేశ్లోని ఇందోర్, గుజరాత్లోని సూరత్ పట్టణాలు అర్బన్ కేటగిరీలో తొలిస్థానంలో నిలిచి.. అవార్డును గెలుచుకున్నాయి. రాష్ట్రాల జాబితాలో ఉత్తర్ప్రదేశ్కు ఈ గౌరవం దక్కింది. ఈ అవార్డులను కేంద్ర మంత్రి హర్దీప్ సింగ్ పూరీ, పట్టణ వ్యవహారాల శాఖ కార్యదర్శి దుర్గ శంకర్ మిశ్రాలు ప్రకటించారు.
స్మార్ట్ సిటీస్ మిషన్, అమృత్, ప్రధాన మంత్రి ఆవాస్ యోజన-అర్బన్ 6వ వార్షికోత్సవం సందర్భంగా ఇండియా స్మార్ట్ సిటీస్ కాంపిటీషన్-2020ని ఆన్లైన్ ద్వారా నిర్వహించింది కేంద్రం. ఈ మూడు మిషన్లను 2015, జూన్ 25 ప్రధాన మంత్రి నరేంద్ర మోదీ ప్రకటించారు.
జాబితాలోని మరిన్ని అంశాలు..
- రాష్ట్రాల జాబితాలో ఉత్తర్ప్రదేశ్ తర్వాత.. మధ్యప్రదేశ్, తమిళనాడు వరుసగా రెండు, మూడు స్థానాల్లో నిలిచాయి. కేంద్ర పాలిత ప్రాంతాల జాబితాలో ఛండీగఢ్కు అవార్డు దక్కింది.
- స్మార్ట్ సిటీస్ లీడర్షిప్ అవార్డులో అహ్మదాబాద్ తొలిస్థానంలో నిలవగా.. వారణాసి రెండు, రాంచీ మూడో స్థానాన్ని సాధించాయి.
- క్లైమేట్-స్మార్ట్ సిటీస్ అసెస్మెంట్ ఫ్రేమ్వర్క్లో 9 నగరాలు 4 స్టార్ రేటింగ్ సాధించాయి. అందులో సూరత్, ఇందోర్, అహ్మదాబాద్, పుణె, విజయవాడ, రాజ్కోట్, వడోదర, విశాఖపట్నం, పిమ్రి-చింఛ్వాద్లు ఉన్నాయి.
ఇదీ చూడండి: ఐదోసారి స్వచ్ఛ ర్యాంక్పై కన్నేసిన 'ఇందోర్'
