Husband murdered by wife: తన భర్తను దుండగులు బైక్పై వచ్చి హత్య చేశారని పోలీసులకు ఫిర్యాదు చేసింది ఓ మహిళ. అయితే ఆమె, తన ప్రియుడు మరో వ్యక్తికి సుపారీ ఇచ్చి ఈ హత్య చేయించినట్లు పోలీసుల విచారణలో తేలింది. ఈ హత్యకు విహహేతర సంబంధమే కారణమని నిర్ధరణ అయింది. ఈ ఘటన పంజాబ్లోని అమృత్సర్ సమీపంలోని కాలే గ్రామంలో ఆదివారం జరిగింది.
అసలేం జరిగిందంటే: హరీందర్ సింగ్ దుబాయ్లో ఉండేవాడు. అతని భార్య సత్నామ్ కౌర్.. పంజాబ్లో ఉండేది. అర్ష్దీప్ అనే వ్యక్తితో.. సత్నామ్ వివాహేతర సంబంధం పెట్టుకుంది. అయితే ఆ విషయం హరీందర్కు తెలియడం వల్ల భార్యను మందలించాడు. వివాహేతర సంబంధానికి అడ్డు వస్తున్నాడని హరీందర్ను హత్య చేయాలని అర్ష్దీప్, సత్నామ్ నిర్ణయించుకున్నారు. హరీందర్ను హత్య చేసేందుకు వరీందర్తో రూ.2,70,000కు ఒప్పందం కుదుర్చుకున్నారు.
పోలీసులకు ఫిర్యాదు: "సచ్ఖండ్ శ్రీ హర్మందిర్ సాహిబ్కు నేను నా భర్త, ఇద్దరు పిల్లలతో కలిసి వెళ్లేటప్పుడు దుండగులు బైక్పై వచ్చి దాడి చేశారు. నా భర్త పర్సు, మొబైల్ను లాక్కున్నారు. నా భర్త ప్రతిఘటించగా వారు అతనిపై గన్తో కాల్పులు జరిపారు. ఆసుపత్రికి తరలిస్తుండగా నా భర్త ప్రాణాలు కోల్పోయాడు" అని పోలీసులకు నిందితురాలు సత్నామ్ కౌర్ ఫిర్యాదు చేసింది. దీంతో రంగంలోకి దిగిన పోలీసులు.. అన్ని కోణాల్లోనూ విచారించారు. 12 గంటల్లోనే కేసును ఛేదించారు. ముగ్గురు నిందితులను అదుపులోకి తీసుకుని కేసు నమోదు చేశారు.
ఇవీ చదవండి: ప్రార్థనలు చేసి వస్తుండగా లోయలో పడిన కారు.. నలుగురు దుర్మరణం
ఈడీ కార్యాలయానికి చేరుకున్న రాహుల్.. నేతలు, కార్యకర్తలతో భారీ ర్యాలీ..
