'డెంగీ' డేంజర్ బెల్స్- ఆ రాష్ట్రాలకు కేంద్ర బృందాలు

దేశంలోని పలు రాష్ట్రాలు, కేంద్ర పాలిత ప్రాంతాల్లో డెంగీ​ విజృంభణ కొనసాగుతోంది. ఈ నేపథ్యంలో ఆయా ప్రాంతాల్లో పరిస్థితిని సమీక్షించేందుకు వైద్య నిపుణులతో కూడిన బృందాలను పంపనున్నట్లు కేంద్రం తెలిపింది. మిగతా రాష్ట్రాల్లోనూ డెంగీ కట్టడికి విస్తృతమైన చర్యలు చేపట్టనున్నట్లు పేర్కొంది.

దేశంలోని పలు రాష్ట్రాల్లో డెంగీ విజృంభిస్తున్న నేపథ్యంలో.. కేంద్రం పటిష్ఠ చర్యలు చేపడుతోంది. సుమారు 9 రాష్ట్రాలకు, కేంద్ర పాలిత ప్రాంతాలకు ఉన్నత స్థాయి వైద్య నిపుణులతో కూడిన కేంద్ర బృందాలను పంపాలని నిర్ణయించింది. దిల్లీలో కొద్దిరోజులుగా విష జ్వరాల విపరీతంగా పెరిగిపోయాయి. వీటితో పాటు పంజాబ్​, హరియాణా, కేరళ, రాజస్థాన్, తమిళనాడు, ఉత్తర్​ప్రదేశ్​, జమ్ముకశ్మీర్​లలో కూడా జ్వరాల సంఖ్య పెరిగింది. దీంతో కేంద్రం అక్కడ పరిస్థితిని సమీక్షించి, సూచనలు చేసేందుకు కేంద్ర బృందాలను పంపాలని నిర్ణయించింది.

నిపుణుల బృందాలలో నేషనల్ సెంటర్ ఫర్ డిసీజ్ కంట్రోల్, నేషనల్ వెక్టర్ బోర్న్ డిసీజ్ కంట్రోల్ ప్రోగ్రామ్​లకు సంబంధించి అధికారులు ఉంటారని పేర్కొంది. వ్యాధి నియంత్రణ, నిర్వహణ కోసం డెంగీ యాక్టివ్‌గా ఉన్న రాష్ట్రాలకు నిపుణుల బృందాలను గుర్తించి పంపాలని ఆరోగ్య మంత్రి మన్​సుఖ్​ మాండవియా.. కేంద్ర ఆరోగ్య కార్యదర్శిని ఆదేశించారు.

ఇదీ చూడండి: Corona Cases: కేరళలో స్వల్పంగా పెరిగిన కరోనా కేసులు