Molesting IIT Student: విద్యార్థినిని లైంగిక వేధింపులకు గురిచేస్తున్న ఐఏఎస్ అధికారిని పోలీసులు అరెస్టు చేశారు. ఈ ఘటన ఝార్ఖండ్లోని ఖుంటి జిల్లాలో జరిగింది. ట్రైనింగ్కు వచ్చిన విద్యార్థిపై 2019 బ్యాచ్కు చెందిన సబ్ డివిజనల్ మేజిస్ట్రేట్ రియాజ్ అహ్మద్ లైంగిక దాడి చేసినట్లు ఆరోపణలు వచ్చాయి. బాధితురాలు ఫిర్యాదు చేయడం వల్ల ఆయనపై ఐపీసీ 354ఏ, 509 సెక్షన్ల కింద కేసు నమోదు చేశారు. అనంతరం స్థానిక కోర్టులో హాజరుపర్చగా.. నిందితుడికి 14 రోజుల కస్టడీని విధించింది.
![molesting IIT student](https://etvbharatimages.akamaized.net/etvbharat/prod-images/jh-khu-01-ias-avb-jhc10052_05072022122431_0507f_1657004071_178.jpg)
బాధితురాలు సహా ఎనిమిది మంది ఐఐటీ విద్యార్థులు ట్రైనింగ్ కోసం ఖుంటి జిల్లాకు వచ్చారు. డిప్యూటీ డెవలప్మెంట్ కమిషనర్ ఇచ్చిన విందుకు హాజరయ్యారు. వచ్చిన అతిథులు, విద్యార్థులు మద్యం సేవించినట్లు తెలిసింది. ఈ క్రమంలోనే ఒంటరిగా ఉన్న బాధితురాలిని అధికారి లైంగికంగా వేధించినట్లు పోలీసులకు ఫిర్యాదు అందింది. ప్రాథమిక విచారణ చేపట్టిన పోలీసులు.. అధికారి లైంగిక వేధింపులకు పాల్పడింది నిజమేనని తేల్చారు.
ఇదీ చదవండి: స్పైస్జెట్ విమానం ఎమర్జెన్సీ ల్యాండింగ్! ఒకే రోజులో రెండు..17 రోజుల్లో ఏడు