ప్రమాదంలో యువకుడు మృతి- పోలీసులపై దాడి

ద్విచక్ర వాహనంలో లాఠీ ఇరుక్కోవడం వల్ల ఓ యువకుడు మృతి చెందిన ఘటన కర్ణాటకలో జరిగింది. ఈ ప్రమాదానికి పోలీసులే కారణమని ఆగ్రహంతో ఊగిపోయిన స్థానికులు.. రక్షకభటులను చితకబాదారు.

కర్ణాటక మైసూర్​ జిల్లాలో జరిగిన రోడ్డు ప్రమాదంలో ద్విచక్ర వాహనదారుడు మరణించారు. ఈ ఘటనకు పోలీసులే కారణమంటూ.. వారిపై దాడి చేశారు స్థానికులు.

ఇదీ జరిగింది

జిల్లాలోని హింకల్​ రింగ్​ రోడ్డుపై ట్రాఫిక్​ పోలీసులు తనిఖీలు చేపట్టారు. ఈ క్రమంలో ఓ ద్విచక్ర వాహనదారుడిని ఆపేందుకు ప్రయత్నించారు. అయితే అతను తప్పించుకోవడానికి యత్నించగా.. లాఠీతో కొట్టారు పోలీసులు. ఆ లాఠీ.. హ్యాండిల్​లో​ ఇరుక్కుపోయి బైక్ అదుపు తప్పింది. ఇంతలో వెనుక నుంచి వస్తున్న ఓ వ్యాన్​.. బైక్​ను ఢీకొట్టింది. ఆ యువకుడు అక్కడికక్కడే చనిపోయాడు. దీంతో ఆగ్రహానికి గురైన స్థానికులు పోలీసుల పెట్రోలింగ్​ వాహనాన్ని స్వల్పంగా ధ్వంసం చేశారు. అనంతరం పోలీసులపై దాడి చేశారు.

స్థానికుల దాడిలో స్వల్పంగా ధ్వంసమైన పోలీసుల వాహనం

ఇదీ చూడండి: ఘోర రోడ్డు ప్రమాదం- 13మంది దుర్మరణం