కేంద్రంలో రెండోసారి అధికార పగ్గాలు చేపట్టిన తర్వాత తొలిసారి ఎర్రకోటపై త్రివర్ణ పతాకం ఎగరవేసి జాతినుద్దేశించి ప్రసంగించారు మోదీ. ఎర్రకోటపై మోదీకిది రెండో అతిపెద్ద ప్రసంగం. ఈసారి ప్రధాని ప్రసంగం నిడివి 92 నిమిషాలు.
2016 స్వాతంత్ర్య దినోత్సవం నాడు 96 నిమిషాల సుదీర్ఘ ప్రసంగం ఇచ్చారు మోదీ. ఓ ప్రధానికి ఎర్రకోటపై ఇప్పటికీ అదే అతిపెద్ద ప్రసంగం. 2018లో జెండా వందనం అనంతరం 82 నిమిషాలు మాట్లాడారు.
ఇప్పటి వరకు ఆరుసార్లు ఎర్రకోటపై ప్రసంగించిన మోదీ... 2015 మినహా మిగతా అన్నిసార్లు గంటకుపైగా జాతినుద్దేశించి మాట్లాడారు.
మన్మోహన్ 60... నెహ్రూ 72
మాజీ ప్రధానమంత్రి మన్మోహన్ సింగ్ తన పదవీకాలంలో ఎర్రకోటపై 60 నిమిషాలకు మించి ఎన్నడూ ప్రసంగించలేదు.
భారత తొలి స్వాతంత్ర్య దినోత్సవం సందర్భంగా అప్పటి భారత ప్రధాని జవహర్లాల్ నెహ్రూ ప్రసంగం నిడివి 72 నిమిషాలు.
ఇదీ చూడండి:- 'దేశ ప్రజలందరికీ పంద్రాగస్టు శుభాకాంక్షలు'
