రాజస్థాన్ రాజకీయాలు క్షణక్షణానికి మరింత ఉత్కంఠగా మారుతున్నాయి. ఓవైపు రెబల్ నేత సచిన్ పైలట్ను బుజ్జగిస్తూనే.. మరోవైపు ముఖ్యమంత్రి అశోక్ గహ్లోత్కు అనుకూలంగా కాంగ్రెస్ వ్యవహరిస్తోంది. ఈ మేరకు సోమవారం జరిగిన కాంగ్రెస్ శాసనసభా పక్ష(సీఎల్పీ)సమావేశంలో.. గహ్లోత్ ప్రభుత్వానికి మద్దతు తెలుపుతూ ఓ తీర్మానాన్ని ఆమోదించారు నేతలు.
"కాంగ్రెస్ అధ్యక్షురాలు సోనియా గాంధీ, నేతలు రాహుల్, ప్రియాంక గాంధీలపై సీఎల్పీ పూర్తి విశ్వాసంతో ఉంది. ముఖ్యమంత్రి అశోక్ గహ్లోత్ నేతృత్వంలోని ప్రభుత్వానికి సీఎల్పీ ఏకగ్రీవంగా మద్దతిస్తోంది."
-- సీఎల్పీ తీర్మానం
ఇదీ చూడండి:- సచిన్ 'పవర్ ప్లే': రంగంలోకి రాహుల్, ప్రియాంక!
పార్టీని బలహీనపరిచే విధంగా ప్రవర్తించే ఎమ్మెల్యేలపై క్రమశిక్షణా చర్యలు చేపట్టాలని సీఎల్పీ సూచించింది.
"పార్టీని, ప్రభుత్వాన్ని బలహీనపరిచే విధంగా జరుగుతున్న అప్రజాస్వామిక చర్యలను సీఎల్పీ ఖండిస్తోంది. ఈ విధమైన చర్యలకు ప్రత్యక్షంగానైనా.. పరోక్షంగానైనా పాల్పడే వారిపై.. క్రమశిక్షణా చర్యలు చేపట్టాల్సిందే."
--- సీఎల్పీ.
ఆ నోటీసులే కారణమా?
రాజస్థాన్‌లో కాంగ్రెస్ ప్రభుత్వాన్ని కూల్చేందుకు కుట్రలు జరుగుతున్నాయన్న ఆరోపణల నేపథ్యంలో సచిన్ పైలట్‌కు ఇటీవల స్పెషల్‌ ఆపరేషన్‌ గ్రూప్‌ (ఎస్‌వోజీ) పోలీసుల నుంచి నోటీసులు అందినట్లు తెలుస్తోంది. ఈ నోటీసే సచిన్‌ను తీవ్ర అసంతృప్తికి గురిచేసినట్లు ఆయన సన్నిహితులు చెబుతున్నారు. ఈ నేపథ్యంలో ఆదివారం నుంచి సచిన్.. కాంగ్రెస్ సభ్యులకు దూరంగా ఉన్నారు. సచిన్ భాజపాలో చేరతారని ఊహాగానాలు జోరందుకున్నాయి.
ఇవీ చూడండి:-
