ఆర్థిక విధానాల రూపకల్పనకు వివిధ రంగాల నిపుణులతో ప్రధానమంత్రి నరేంద్రమోదీ ఈ నెల 22న భేటీ కానున్నారు. అభివృద్ధి, ఉద్యోగ సృష్టికి తీసుకోవాల్సిన చర్యలపై ఆర్థిక వేత్తలతో చర్చించనున్నారు.
ప్రభుత్వ ప్రణాళిక మండలి నిర్వహించే ఈ సమావేశానికి కేంద్ర మంత్రులు, వివిధ రంగాల్లో నిపుణులు, వ్యాపార వేత్తలు హాజరవనున్నట్టు సమాచారం.
2018-19 నాలుగో త్రైమాసికానికి జీడీపీ వృద్ధి రేటు 5.8 శాతంతో ఐదేళ్ల కనిష్ఠానికి చేరుకుంది. ఏడాది మొత్తం చూసినా 6.8 శాతంతో ఐదేళ్ల కనిష్ఠాన్ని తాకింది. వ్యవసాయం, తయారీ రంగాల వెనుకబాటుతోనే ఈ పరిస్థితి నెలకొందని కేంద్ర గణాంక కార్యాలయం(సీఎస్ఓ) తెలిపింది. నిరుద్యోగ శాతం కూడా 6.1గా నమోదై 45 ఏళ్ల కనిష్ఠానికి చేరుకుందని సీఎస్ఓ వెల్లడించింది.
వచ్చే ఐదేళ్లలో పరిస్థితులను చక్కబెట్టేందుకు తీసుకోవాల్సిన చర్యలపై ఈ సమావేశంలో చర్చించనున్నారు. అంతేకాకుండా జులై 5న ప్రవేశపెట్టే బడ్జెట్లో చేర్చాల్సిన అంశాలపైనా సమాలోచనలు చేయనున్నారు.
ఇదీ చూడండి: ఐదేళ్ల కనిష్ఠానికి జీడీపీ వృద్ధిరేటు
