ఇటీవల కాలంలో భారత్కు వ్యతిరేక పోకడలను ప్రదర్శిస్తున్న నేపాల్ ఆగడాలు మరింత పెచ్చుమీరాయి. తాజాగా కొంత మంది నేపాల్ పౌరులు.... బిహార్లో సీతా గుహలోని ఓ స్తంభాన్ని కూల్చివేశారు. స్థానికులు అందించిన సమాచారంతో అక్కడకు చేరుకున్న ఎస్ఎస్బీ-4 దళాలు.. ఘటనపై దర్యాప్తు చేస్తున్నాయి.
"ఓ నేపాల్ మంత్రి, థోరి పార్సా జిల్లాకు చెందిన ఎస్డీఓ సీతా గుహను సందర్శించారు. ఆ తరువాత నేపాలీ పోలీసుల సమక్షంలో ఆ దేశ పౌరులు 436వ స్తంభాన్ని నేలకూల్చారు."
- జనరల్ శైలేష్ కుమార్ సింగ్, ఎస్ఎస్బీ అసిస్టెంట్ జనరల్
రాముడు మావాడే!
నేపాల్ ప్రధాని జులై 13న ఓ వింత వాదన చేశారు. నిజమైన అయోధ్య భారత్లో లేదని, నేపాల్లో ఉందని అన్నారు. శ్రీరాముడు దక్షిణ నేపాల్ తోరిలో జన్మించాడని పేర్కొన్నారు. అలాగే భారత్-నేపాల్ మధ్యలోని 'నో మ్యాన్ ల్యాండ్'లో ఉన్న శ్రీరామునికి చెందిన చారిత్రక ప్రాంతాలు తమవేనని వాదించారు.
ఈ నేపథ్యంలోనే కొంత మంది నేపాలీలు గత రెండు రోజులుగా... పశ్చిమ చంపారన్ బిఖానాథోరిలోని సీతా గుహకు తరచుగా వచ్చి ప్రార్థనలు చేస్తున్నారు. తాజాగా 436 నంబరు స్తంభాన్ని కూల్చివేశారు.
సీతాదేవి వాల్మీకి ఆశ్రమానికి వెళ్లే ముందు ఈ గుహలోనే కొంత కాలం గడిపిందని భారత్, నేపాల్ ప్రజలు నమ్ముతారు. అందుకే అక్కడ పూజలు, ఉత్సవాలు నిర్వహిస్తారు.
ఎమర్జెన్సీ సర్వీస్
భారత్ - నేపాల్ సరిహద్దులను కలిపే... ఉత్తరాఖండ్లోని ధార్చులా పట్టణంలోని ఓ వంతెనను శనివారం ఓ 30 నిమిషాల పాటు తెరిచారు. కరోనా వైరస్ వ్యాప్తి నేపథ్యంలో ఈ వంతెనను మూసేశారు. అయితే ఇరుదేశాల పౌరులను పరస్పరం తమ స్వదేశాలకు చేర్చేందుకు గాను ఈ వంతెనను తాత్కాలికంగా తెరచినట్లు అధికారులు తెలిపారు.
భారత సైన్యంలో పనిచేసి ఉద్యోగ విరమణ చేసిన ఓ నేపాలీ పౌరుడి కోసం భారత్ ఈ వంతెనను తెరచింది. ఇతనితో కలిపి రెండు దేశాల నుంచి మరో 27 సరిహద్దు దాటారు. వీరిలో భారత్లో చదువుకుంటున్న కొంత మంది నేపాలీ విద్యార్థులూ ఉన్నారు.
ఇదీ చూడండి: కరోనా సామూహిక పరీక్షలకు అత్యవసర అనుమతి
