కాల్పులకు తెగబడిన పాక్- ఓ భారత జవాను మృతి

నియంత్రణ రేఖ వెంబడి పాక్​ కాల్పులకు తెగబడింది. రాజౌరీ, పూంచ్​ జిల్లాల్లో భారత సైన్యం లక్ష్యంగా దాడులకు పాల్పడింది. ఈ ఘటనలో ఓ భారత జవాను అమరుడైనట్లు అధికారులు తెలిపారు. పాక్ కాల్పులను దీటుగా తిప్పుకొడుతున్నట్లు స్పష్టం చేశారు.

పాక్ సైన్యం మరోసారి కాల్పుల విరమణ ఒప్పందాన్ని ఉల్లంఘించింది. రాజౌరీ జిల్లాలోని సుందర్​బనీ సెక్టార్​లో కాల్పులకు తెగబడింది. ఈ దాడిలో ఓ భారత జవాను ప్రాణాలు కోల్పోయినట్లు అధికారులు తెలిపారు.

మరోవైపు పూంచ్ జిల్లా కిర్ని సెక్టార్​లో గురువారం రాత్రి 10:45 గంటలకు పాక్ సైన్యం కాల్పులు జరిపినట్లు అధికారులు వెల్లడించారు. చిన్నపాటి ఆయుధాలు, మోర్టార్ షెల్లింగులతో నియంత్రణ రేఖ వెంబడి దాడి చేసినట్లు పేర్కొన్నారు.

అయితే.. పాక్ కాల్పులను భారత్ సమర్థవంతంగా తిప్పికొడుతున్నట్లు స్పష్టం చేశారు అధికారులు.

ఇదీ చదవండి: కశ్మీర్​లో ఎన్​కౌంటర్​- ఓ ముష్కరుడు హతం