అగ్రరాజ్యాలకన్నా భారత్​లోనే మరణాల రేటు తక్కువ!

ఇటలీ, బ్రిటన్​, అమెరికా వంటి అభివృద్ధి చెందిన దేశాలతో పోల్చితే భారత్​లో కరోనా మరణాల రేటు చాలా తక్కువగా ఉండటం ప్రజలకు కొంత ఉపశమనం అందించే వార్త. ప్రపంచం మొత్తం మీద మరణాల శాతం 5.9గా ఉండగా.. భారత్​లో మాత్రం అది 3.04గా ఉంది. దేశంలో యువత ఎక్కువగా ఉండటమే ఇందుకు ముఖ్య కారణమని నిపుణులు విశ్లేషిస్తున్నారు.

దేశంలో కరోనా వైరస్​ మృతుల సంఖ్య 200లు దాటింది. నెల రోజుల వ్యవధిలో ఈ స్థాయిలో మరణాలు సంభవించడం ఆందోళన కలిగిస్తోంది. అయితే.. అభివృద్ధి చెందిన దేశాలతో పోల్చితే భారత్​లో మరణాల రేటు చాలా తక్కువగా ఉండటం ప్రజలకు ఉపశమనం కల్గించే వార్త.

దేశంలో మార్చి 10న తొలి కరోనా మరణం సంభవించింది. కేంద్ర ఆరోగ్యశాఖ తాజా గణాంకాల ప్రకారం 206మంది వైరస్​ సోకి ప్రాణాలు కోల్పోయారు. మొత్తం కేసుల సంఖ్య 6,761కి చేరింది. ఫలితంగా భారత్​లో మరణాల రేటు 3.04గా ఉంది.

వివిధ దేశాల పరిస్థితి

• ప్రపంచవ్యాప్తంగా 1,622,778 పాజిటివ్​ కేసులు నమోదు కాగా.. 97,205 మందిని వైరస్​ బలిగొంది. మరణాల రేటు 5.9శాతంగా ఉంది.

భారత్​లో మరణాల రేటు తక్కువగా ఉండటానికి నిపుణులు చెబుతున్న కారణాలు..

• ఇతర దేశాలతో పోల్చితే భారత్​లో యువత ఎక్కువ.
• లాక్​డౌన్​ను ముందు నుంచే కఠినంగా అమలు చేయడం.
• ఐరోపా, అమెరికాతో పోల్చితే వైరస్​ బారిన పడుతున్న వృద్ధుల సంఖ్య చాలా తక్కువ.
• పాజిటివ్​ కేసుల్లో 40ఏళ్లలోపు ఉన్నవారు 47శాతం, 40-60 ఏళ్ల వారు 34శాతం, 60ఏళ్లు పైబడిన వారు 19శాతం(ఆరోగ్యశాఖ గతవారం వెల్లడించిన గణాంకాలు).
• భారత్​లో కరోనా ఉద్ధృతి తక్కువగా ఉండటం.

భారత మరణాల రేటు.. ప్రపంచం మరణాల రేటుతో పోల్చితే చాలా తక్కువగా ఉండటం అతిపెద్ద సానుకూల అంశం.

జర్మనీ ఒక్కటే...

గణాంకాల ప్రకారం జర్మనీ ఒక్కటే వైరస్​ వ్యాప్తిని నియంత్రించినట్టు కనిపిస్తోంది. 1,13,525 కేసులు నమోదు కాగా.. 2,373 మంది మరణించారు. ఫలితంగా అక్కడ మరణాల రేటు 2.09గా ఉంది.

ఇదీ చూడండి:- ఆహారం, కిరాణా సామగ్రి ద్వారా కరోనా వ్యాపిస్తుందా?