కరోనా వైరస్ కీలక ప్రోటీన్లను లక్ష్యంగా చేసుకుని దాడి చేయగల సామర్థ్యం ఉన్న కొత్త ఔషధాలు, కాక్టెయిల్స్ను గుర్తించారు భారత శాస్త్రవేత్తలు. అవి కొవిడ్-19 చికిత్సలో ఎంతో ఉపయోగపడనున్నాయని తెలిపారు. తమిళనాడులోని అలగప్ప విశ్వవిద్యాలయం, కేటీహెచ్ రాయల్ ఇన్స్టిట్యూట్ ఆఫ్ టెక్నాలజీ, స్వీడన్కు చెందిన శాస్త్రవేత్తలు ఈ పరిశోధనలో పాల్గొన్నారు. పలు ఔషధాలు, కాక్టెయిల్స్ను కొవిడ్-19 చికిత్సలో పరీక్షించేందుకు ప్రతిపాదించారు.
డ్రగ్బ్యాంక్ డేటాబేస్ వర్చువల్ స్క్రీనింగ్ను ఉపయోగించి.. సార్స్ కోవ్-2 వైరస్ రూపాంతరం చెందుతున్నప్పటికీ వైరస్ ప్రోటీన్లపై దాడిచేసే కొత్త మార్గాలను కనుగొన్నారు శాస్త్రవేత్తలు. ఈ పరిశోధన సైంటిఫిక్ రిపోర్ట్స్ జర్నల్లో ప్రచురితమైంది.
" కరోనా వైరస్ వేగంగా రూపాంతరం చెందుతుంది. అంటే అది తన ప్రోటీన్స్ను మార్చుతోందని అర్థం. మన దగ్గర ఉన్న ఔషధం పలు ప్రోటీన్లను టార్గెట్ చేసుకుంటే.. కరోనా వైరస్ రూపాంతరం చెందిన క్రమంలో అది ఇతర ప్రోటీన్లపై ప్రభావం చూపుతుంది. ఈ క్రమంలోనే కాక్టెయిల్స్ లేదా ఔషధాల మిశ్రమాలను ప్రతిపాదించటం మాకు సాధ్యమైంది. దీనిలో ప్రతి డ్రగ్ ఒక నిర్దిష్ట లక్ష్యంతో ప్రోటీన్పై ప్రభావం చూపుతుంది. "
- వైభవ్ శ్రీవాస్తవ, శాస్త్రవేత్త
ఈ పరిశోధన.. ఒక కాక్టెయిల్ సహా బలోక్సవిర్ మార్బోక్సిల్, నటమైసిన్, ఆర్యూ-85053ను చికిత్స కోసం పరీక్షించేందుకు ప్రతిపాదించింది. వాటితో పాటు టివాంటినిబ్, ఒలాపరిబ్, జొలిప్లోడసిన్, గోల్వాటినిబ్, సోనిడేగిబ్, రిగొరేఫెనిబ్, పీసీఓ-371 వంటి ఔషధాలను సూచించింది. ఇవి వైరస్లోని 3సీఎల్, పపేయిన్, ఆర్డీఆర్పీ వంటి మూడు ప్రోటీన్లపై కచ్చితత్వంతో దాడి చేస్తున్నట్లు గుర్తించారు పరిశోధకులు. ఈ ఔషధాలు కరోనాతో పాటు ఇతర హెచ్ఐవీ వంటి వైరల్ రోగాల చికిత్సల్లో ప్రభావవంతంగా పనిచేస్తున్నట్లు చెప్పారు శాస్త్రవేత్తలు. హైడ్రాక్సీక్లోరోక్విన్ వంటి ఔషధాలు ఎక్కవ ప్రభావం చూపకపోవటానికి కారణం.. అవి నిర్దిష్ట వైరల్ ప్రోటీన్లపై దాడి చేయలేకపోవటమేనని తెలిపారు.
ఇదీ చూడండి: కరోనానా..? ఆ ఊసే లేదక్కడ!
