కొవిడ్-19 వ్యాక్సిన్పై సుంకం ఉంటుందా? ఉండదా అనే చర్చ కొనసాగుతోంది. ఎందుకంటే సీరమ్ ఇన్స్టిట్యూట్ ఆఫ్ ఇండియా అధిపతి అదార్ పూనావాలా.. టీకా కొనుగోలు చేసి, దేశవ్యాప్తంగా సరఫరా చేయాలంటే సుమారు రూ.80 వేల కోట్లు ఖర్చవుతుందని చెప్పారు. ఆ రకంగా చూస్తే ప్రభుత్వానికి అది భారీ వ్యయమే.
ఆ అవసరం లేదు..
ప్రభుత్వ వర్గాలు మాత్రం టీకా కోసం ప్రత్యేక సుంకం విధించే ప్రతిపాదన లేదని చెబుతున్నాయి. ప్రాథమిక దశలోటీకా కొనుగోలు చేసి.. ప్రజలకు సరఫరా చేసేందుకు అవసరమైన మొత్తం వ్యయాన్ని ప్రభుత్వమే భరించనుందని అంటున్నాయి. అందుకు కావాల్సిన ఆర్థిక వనరులు ప్రభుత్వం దగ్గర ఉన్నాయని, ప్రత్యేక సుంకం విధించాల్సిన అవసరం లేదని పేర్కొంటున్నాయి.
