చైనాతో తూర్పు లద్దాఖ్లోని వాస్తవాధీన రేఖ (ఎల్ఎసీ) వెంబడి నెలకొన్న ప్రతిష్టంభన నెలరోజులకుపైగా కొనసాగుతోంది. సమస్య శాంతియుత పరిష్కారానికి రెండు రోజుల క్రితం ఇరుదేశాల సైనికాధికారులు భేటీ అయ్యారు. ఈ నేపథ్యంలో సరిహద్దులోని పరిస్థితులపై త్రిదళాధినేత(సీడీఎస్) జనరల్ బిపిన్ రావత్తో పాటు త్రివిద దళాల అధినేతలతో సమీక్ష సమావేశం నిర్వహించారు రక్షణ శాఖ మంత్రి రాజ్నాథ్.
ఈ సందర్భంగా సరిహద్దు అంశంలో తదుపరి తీసుకోబోయే చర్యలపై రాజ్నాథ్కు వివరించారు రావత్. జూన్ 6న ఇరు దేశాల సైనికాధికారుల సమావేశంలోని కీలక అంశాలపైనా చర్చించినట్లు సైనిక వర్గాలు తెలిపాయి.
ఇటీవలి చర్చలతోపాటు భవిష్యత్తులో అనుసరించాల్సిన వ్యూహంపై రక్షణ మంత్రి సమీక్షించారు. ఈ భేటీలో భారత్కు ఇబ్బంది అనిపించే సమస్యలపై ప్రణాళిక రూపొందించటం జరిగింది. సరిహద్దులో ప్రతిష్టంభన, భవిష్యత్తు కార్యాచరణపై సుమారు గంటకుపైగా చర్చించారు.
- సైనిక వర్గాలు.
ఇదీ చూడండి: భారత్తో సరిహద్దు రగడపై చైనా శాంతి మంత్రం!
