లైవ్​ వీడియో: భారత్​- చైనా సరిహద్దులో కూలిన వంతెన

ఉత్తరాఖండ్​లోని భారత్​-చైనా సరిహద్దులో ఓ వంతెన కూలిపోయింది. భారీ నిర్మాణ యంత్రాన్ని తీసుకెళ్తున్న ఓ లారీ.. వంతెనను దాటుతున్న సమయంలో ఈ ఘటన జరిగింది. ప్రమాదంలో ఇద్దరు వ్యక్తులకు తీవ్రగాయాలయ్యాయి. వారిని సమీపంలోని ఆసుపత్రికి తరలించారు స్థానికులు.

ఉత్తరాఖండ్​ పితోర్​గఢ్​ జిల్లాలో భారత్​- చైనా సరిహద్దులో ఓ వంతెన కూలిపోయింది. భారీ నిర్మాణ యంత్రాన్ని తీసుకెళ్తున్న లారీ... బ్రిడ్జ్​ దాటే సమయంలో ఒక్కసారిగా నెలకొరిగింది. ఈ ఘటనలో డ్రైవర్ సహా మరొకరికి తీవ్ర గాయాలయ్యాయి. క్షతగాత్రులను ఆసుపత్రికి తరలించారు స్థానికులు. రాష్ట్రంలోని లిలాం జోహార్​ లోయలోని మున్సారీ తహసీల్ వద్ద ఉన్న ధపా మిలాం రహదారిపై ఈ ప్రమాదం జరిగింది.

మిలాం నుంచి చైనా సరిహద్దు వరకు 65 కిలోమీటర్ల మోటారు మార్గాన్ని నిర్మించడానికి ఆ నిర్మాణ యంత్రాన్ని తీసుకెళ్తున్నట్లు తెలుస్తోంది. అయితే, వంతెన కూలిపోవడం వల్ల సరిహద్దు ప్రాంత గ్రామాల్లోని 7000 మందికి పైగా ప్రజల రాకపోకలకు అంతరాయం ఏర్పడింది. ఆర్మీ, ఐటీబీపీ దళాల ప్రయాణాలకూ విఘాతం కలిగింది.

ఇదీ చూడండి: చైనాతో 2 యుద్ధాలు.. గెలిచే దాకా వెనక్కితగ్గొద్దు!