రాజస్థాన్ బిల్వాడా జిల్లా దేవలీ రహదారిపై వ్యాన్ను ట్రాలీ లారీ ఢీకొంది. ఆదివారం అర్ధరాత్రి జరిగిన ఈ ఘటనలో నలుగురు మరణించారు. మరో ఆరుగురికి తీవ్ర గాయాలయ్యాయి. క్షతగాత్రుల్లో మహిళలు, చిన్నారులు ఉన్నట్లు పోలీసులు గుర్తించారు. గాయపడ్డ వారిని జిల్లా ప్రభుత్వాసుపత్రికి తరలించారు.
ప్రమాద సమయంలో వ్యాన్లో 15మంది ఉన్నారని పోలీసులు తెలిపారు. వ్యానులో ఇరుక్కున్న మహిళలు, చిన్నారులను అతికష్టం మీద బయటకు తీశామని వివరించారు. ఈ ప్రమాదంతో దేవలీ- బిల్వాడా రహదారిపై దాదాపు గంట పాటు ట్రాఫిక్కు అంతరాయం ఏర్పడిందని తెలిపారు. కేసు నమోదు చేసుకొని దర్యాప్తు చేస్తున్నామన్నారు.
ఇదీ చదవండి: ఇకపై మరింత పెద్దగా పొగాకు హెచ్చరికల చిత్రాలు
