కాంతులీనుతున్న సచివాలయం..గణతంత్ర వేడుకలకు ముస్తాబు

గణతంత్ర దినోత్సవాన్ని పురస్కరించుకుని వెలగపూడిలోని రాష్ట్ర సచివాలయాన్ని విద్యుత్ దీపాలతో అందంగా అలంకరించారు. వివిధ రంగుల విద్యుత్ దీపాలతో సచివాలయంలోని ఐదు బ్లాక్​లనూ అలంకరణ చేశారు. మువ్వన్నెల జెండాల రంగులతో కూడిన విద్యుత్ దీపకాంతులతో సచివాలయం నూతన శోభను సంతరించుకుంది. ఇదే ప్రాంగణంలో ఉన్న రాష్ట్ర శాసనసభ, మండలి భవనాలను సైతం విద్యుత్ దీపాలతో అలంకరించారు.