కోడుమూరు నియోజకవర్గ వైసీపీలో అసమ్మతి - మాజీ ఎమ్మెల్యే మురళీకృష్ణ అభిమానుల ఆందోళన

YSRCP Leaders Protest Against Incharge Change: వైసీపీలో అసమ్మతి జ్వాలలు చల్లారలేదు. టికెట్‌ దక్కని నేతలు, వారి అనుచరులు పార్టీ అధిష్ఠానంపై ఆగ్రహం వ్యక్తం చేస్తున్నారు. తాజాగా కర్నూలు జిల్లా కోడుమూరు నియెజకవర్గ వైసీపీ సమన్వయకర్తగా ఆదిమూలపు సతీష్‌ను ప్రకటించడంతో మాజీ ఎమ్మెల్యే మురళీ కృష్ణ అభిమానులు, మద్దతుదారులు మండిపడుతున్నారు. దీంతో అధిష్ఠానం నిర్ణయాన్ని తీవ్రంగా వ్యతిరేకిస్తూ కర్నూలులో ఆందోళనకు దిగారు. 

ఎన్నో సంవత్సరాలుగా పార్టీకి సేవలు చేస్తే బయటి వ్యక్తులకు టికెట్ ఎలా ఇస్తారని వైసీపీ నేతలు అధిష్ఠానాన్ని ప్రశ్నించారు. పార్టీకి ఎలాంటి సేవ చేయని వ్యక్తికి టికెట్ ఎలా ఇస్తారని, ముఖ్యమంత్రి పునరాలోచన చేసి కోడుమూరు నియోజకవర్గానికి సంబంధించి ఇన్​ఛార్జ్​ని మార్పు చేయాలని కోడుమూరు నియోజకవర్గ వైసీపీ నేతలు తెలిపారు. పార్టీ కార్యక్రమాలను ప్రజలకు చేరువ చేసిన వారిని కాదని కొత్త వ్యక్తికి ఎలా ఇస్తారని ఆగ్రహం వ్యక్తం చేశారు. మాజీ ఎమ్మెల్యే మురళీ కృష్ణకు టికెట్‌ కేటాయించాలని లేకుంటే పార్టీకి రాజీనామా చేస్తామని హెచ్చరించారు.