Vizag Swetha Interview: పట్టుదల, ఆత్మవిశ్వాసంతో పది మందికి ఆదర్శంగా నిలుస్తున్న యవతి

Vizag Swetha Interview: విదేశాల్లో చదువు కోసం ఎన్నో కలలుకంది తాను. అందుకు అవసరమైన పరీక్షల్లో మంచి స్కోర్‌ సాధించి... స్కాలర్‌షిప్‌ సైతం అందుకుంది. తల్లిదండ్రులు సమకూర్చిన మిగిలిన మొత్తంతో యూకేలో విద్యను అభ్యసించడానికి వెళ్లింది. అయితే అనుకోని పరిస్థితిలో ఆసుపత్రి పాలైంది ఆ యువతి. పైగా అదే సమయంలో కరోనా.. ఇలా దెబ్బమీద దెబ్బ పడుతూ జీవితం తన ఆధీనంలో లేకుండా పోయింది. అయినా సరే పట్టుదల, ఆత్మవిశ్వాసంతో ముందుకు సాగింది. ఓ వైపు వైద్యం అందుకుంటూనే.. మరోవైపు చదువును కొనసాగించింది. ఫలితంగా మాస్టర్స్‌ పరీక్షల్లో డీన్ మెరిట్ సాధించింది విశాఖకు చెందిన శ్వేత. మరి శారీరక, మానసిక, ఆర్థిక ఇబ్బందులను అధిగమించి కోర్సును ఎలా పూర్తి చేసింది..? తన భవిష్యత్​ను  శ్వేత ఎలా తీర్చిదిద్దుకోవాలనుకుంటుంది. విదేశీ విద్యనభ్యసించే విద్యార్థులకు అండగా ఉంటూనే.. పలు స్వచ్ఛంద సంస్థలతో కలిసి పని చేస్తోన్న యువతి ప్రయాణం గురించి ఈటీవీ భారత్ అందిస్తున్న  ప్రత్యేక కథనం.