ఇద్దరి ప్రాణాలను బలితీసుకున్న ఈత సరదా

Two Students Lost Their Lives After Going Swimming : పాఠశాలకు వెళ్తున్నమని చెప్పి ఈతకు వెళ్లికి ప్రాణాలు కోల్పోయిన ఇద్దరు విద్యార్థులు. ఈ సంఘటన కర్నూలు జిల్లా బుధవారపేటలో జరిగింది. స్థానిక ఇందిరాగాంధీ మెమోరియల్ హైస్కూల్​లో చదువుతున్న... సాయి చరణ్ (13), ప్రవీణ్ కుమార్ (15) శుక్రవారం ఉదయం పాఠశాలకు వెళ్లకుండా ఈత కొట్టేందుకు కేసీ కాలువకు వెళ్లారు. నీటి ప్రవాహం ఎక్కువగా ఉండడంతో.. పిల్లలు ఇద్దరు గల్లంతయ్యారు. ఈ విషయాన్ని స్థానికులు పోలీసులకు సమాచారం అందించారు. సంఘటన స్థలానికి పోలీసులు చేరుకొని గాలింపు చర్యలు చేపట్టారు. ఈ ప్రక్రియలో ప్రవీణ్ కుమార్ మృతదేహం లభ్యమయ్యింది. ఇంకా సాయి చరణ్ ఆచూకీ తెలియాల్సి ఉందని పోలీస్ అధికారులు తెలిపారు. ఈత రాని పవన్​కుమార్​ను కాపాడే ప్రయత్నంలో సాయిచరణ్ మునిగిపోయడని స్థానికులు తెలిపారు. రోజు పాఠశాలకు వెళ్లి వచ్చే తమ పిల్లలు ఇంకా రారు అనే విషయం తెలిసి తల్లిదండ్రులు పుట్టెడు శోకంలో మునిగిపోయారు. పిల్లలను కోల్పోయిన తల్లిదండ్రులను చూసి స్థానికుల మనస్సు కలచివేసింది.