అంగన్వాడీ కేంద్రంలో గ్యాస్ సిలిండర్​, కోడిగుడ్లు దొంగతనం - ఆ తర్వాత

Theft in Thimmapuram Anganwadi then Set Fire: అంగన్వాడీ కేంద్రంలో దొంగలు పడ్డారు. గ్యాస్ సిలిండర్​, కోడిగుడ్లు ఎత్తుకెళ్లారు. ఇక వేరే సరకులు దొరకపోవడంతో అసహనానికి గురైన దొంగలు ఆ కేంద్రానికి నిప్పు పెట్టారు. ఈ ఘటన అనంతపురం జిల్లాలో చోటు చేసుకుంది.

Gas Cylinder and Eggs Stolen  in Anganwadi Center: అనంతపురం జిల్లా కంబదూరు మండలం తిమ్మాపురం గ్రామంలోని ఆదివారం అర్ధరాత్రి దాటిన తరువాత అంగన్వాడి కేంద్రానికి గుర్తు తెలియని దుండగులు నిప్పు పెట్టారు. కేంద్రంలో ఉన్న గ్యాస్ సిలిండర్, కోడిగుడ్లను అపహరించుకుపోయారు. గ్రామ సచివాలయ సమీపంలో ఉన్న ఈ అంగన్వాడీ కేంద్రానికి అర్ధరాత్రి దాటాక మంటలు చెలరేగడాన్ని గమనించిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న వివిధ కోణాల్లో పోలీసులు  దర్యాప్తు చేస్తున్నారు. ఈ కేంద్రంలోని ఓ గ్యాస్ సిలిండర్​, కోడిగుడ్లను అపహరించుకుపోయినట్లు అంగన్వాడి కార్యకర్త గుర్తించారు. నెల మొదటివారం కావడంతో నిత్యావసరాల కోసం దొంగలు వచ్చి ఉండవచ్చని, సరుకులు ఏమీ కేంద్రంలో లేకపోవటంతో  నిప్పుపెట్టి ఉండవచ్చని అంగన్వాడీ కార్యకర్త  అనుమానం వ్యక్తం చేస్తున్నారు.