అక్రమ మైనింగ్​పై జాయింట్ కలెక్టర్​ నిలదీత - కలెక్టరేట్​లో బైఠాయించిన టీడీపీ నేతలు

TDP Leaders Questioned Joint Collector on Illegal Mining: నెల్లూరు జిల్లాలో జరుగుతున్న అక్రమ మైనింగ్​పై జిల్లా జాయింట్ కలెక్టర్​ను కలిసి మైనింగ్​పై ఎందుకు మౌనంగా ఉన్నారని టీడీపీ నాయకులు ప్రశ్నించారు. రూరల్ ఎమ్మెల్యే కోటంరెడ్డి శ్రీధర్ రెడ్డి, టీడీపీ జిల్లా అధ్యక్షుడు అబ్దుల్ అజీజ్, కోటంరెడ్డి శ్రీనివాసులురెడ్డి, పోలంరెడ్డి దినేష్ రెడ్డి మరికొంత మంది వెళ్లి అధికారుల తీరుపై నిరసన తెలిపారు. అక్రమంగా మైనింగ్​పై టీవీల్లో, పత్రికల్లో వస్తున్నా ఎందుకు అధికారులు పట్టించుకోడం లేదని నిలదీశారు. 

మాజీ మంత్రి మూడు రోజులుగా అక్రమ మైనింగ్​పై దీక్ష చేస్తుంటే అధికారులు ఎందుకు స్పందించడం లేదని ఆగ్రహం వ్యక్తం చేశారు. మీకు సాక్ష్యాలుగా ఫోటోలు చూపిస్తూ, ఫోన్​లో సమాచారం ఇచ్చి అక్రమంగా పనిచేస్తున్న యంత్రాలను పట్టుకుని సీజ్ చేయమని టీడీపీ నాయకులు అడ్డుగుతున్నా ఎందుకు అధికారులు కదలడం లేదని అడిగారు. అక్రమ మైనింగ్ చేస్తున్న ప్రాంతంలో గిరిజనుల ఇళ్లు ఉన్నాయని, మైనింగ్ పేలుళ్లకు అవి దెబ్బతింటున్నాయని చెప్పారు. ఈ సమయంలో ప్రాణాలు పోతే బాధ్యులు ఎవరని అధికారులను నిలదీశారు. మైనింగ్ అధికారి వచ్చి సమాధానం చెప్పే వరకు ఇక్కడ నుంచి కదిలేది లేదంటూ కలెక్టరేట్​లో భీష్మించి కూర్చున్నారు.