సమ్మర్​ స్పెషల్​.. విజయవాడలో బాహుబలి సెట్టింగ్స్​తో ఎగ్జిబిషన్​

Bahubali Movie Setting Exibition: ఎన్టీఆర్ జిల్లా విజయవాడలో బాహుబలి చిత్రంలోని భారీ సెట్టింగ్​లు నగరవాసులను అలరించనున్నాయి. ఆదివారం శాతవాహన కళాశాల ప్రాంగణంలో బహుబలి చిత్రంలోని భారీ సెట్టింగ్స్​తో కూడిన ఓ ఎగ్జిబిషన్ ప్రారంభించారు. నగరంలోని పాఠశాలలు, కళాశాలలకు త్వరలో సమ్మర్ హాలీడేస్ రానున్న నేపథ్యంలో ఈ బాహుబలి ఎగ్జిబిషన్ నగర వాసుల ముందుకు తీసుకుని వచ్చినట్లు నిర్వాహకులు చెపుతున్నారు. ఎగ్జిబిషన్ గ్రౌండ్లో బాహుబలి సినిమాలోని వివిధ రకాల సన్నివేశాలతో కూడిన సెట్టింగ్​లను నిర్వాహకులు ప్రదర్శనకు ఉంచారు. ఈ సెట్టింగ్స్​తో కూడిన ఎగ్జిబిషన్ చూసేందుకు వచ్చే నగరవాసులు తమ మొబైల్ ఫోన్స్​లో ఫొటోలు తీసుకునేందుకు అనుమతి ఉంది. విజయవాడ నగరంలో మొట్ట మొదటిసారిగా సినీ సెట్టింగ్స్​తో కూడిన ఎగ్జిబిషన్ ఇదేనని నిర్వాహకులు తెలిపారు. వేసవి సెలవుల్లో నగరవాసులకు ఆటవిడుపుగా ఎగ్జిబిషన్ అలరించనుందని ఆశాభావం వ్యక్తం చేశారు. ఈ ఎగ్జిబిషన్​ను ఆదివారం రాత్రి స్థానిక ఎమ్మెల్యే రాష్ట్ర ప్రణాళికా సంఘం ఉపాధ్యక్షుడు మల్లాది విష్ణు లాంఛనంగా ప్రారంభించారు.