Fire Accident at Vizag Steel Plant SMS1 : విశాఖ స్టీల్ ప్లాంట్​లో అగ్నిప్రమాదం.. నేలపాలైన ఉక్కుద్రవం.. కార్మికులు సేఫ్

Fire Accident at Vizag Steel Plant SMS1 : విశాఖలోని గాజువాక స్టీల్ ప్లాంట్​ ఎస్ఎంఎస్​-1లో శుక్రవారం (సెప్టెంబర్) అగ్నిప్రమాదం (fire accident) జరిగింది. ఎస్ఎంఎస్​-1 లో ఉక్కు ద్రవం నేలపాలవటం వల్ల ఈ ప్రమాదం జరిగింది. అగ్నిమాపక సిబ్బంది  మంటలను అదుపు చేశారు. అధికారులు నష్టాన్ని అంచనా వేస్తున్నారు. ఈ ప్రమాదంలో ఎవరికి ఎలాంటి గాయాలు కాకపోవడంతో కార్మికులు ఊపిరి పీల్చుకున్నారు. 

స్టీల్ ప్లాంట్​ ఎస్ఎంఎస్​-1లో(steel plant SMS1) ల్యాడిల్​ లిఫ్ట్ చేస్తుండగా అకస్మాత్తుగా లాడిల్ నాజిల్​కు రంధ్రం పడింది. దీంతో మరిగిన ఉక్కు ద్రవం కింది పడింది. మరిగిన ఉక్కు ద్రవాన్ని క్రేన్ సహాయంతో లాడిన్​ను పైకి ఎత్తుతుండగా సేఫ్టీ పిన్​ విరిగిపోయింది. ల్యాడిల్​ను తీసుకు వెళ్తున్న కార్​పై ఉక్కు ద్రవం పడి మంటలు చెలరేగాయి. వెంటనే అగ్నిమాపక సిబ్బంది ఘటనా స్థలానికి వచ్చి మంటలను అదుపు చేశారు. ఈ ప్రమాదం వల్ల ఏర్పడిన నష్టాన్ని ఉక్కు కర్మాగారం ఆర్థికశాఖ విభాగం (Finance department) వారు అంచనా వేస్తోంది.