దేశంలో నెం.1 ప్రాంతీయ ఉద్యోగ భవిష్య నిధి కార్యాలయం రాజమహేంద్రవరంలోనే...

EPFO Regional OFfice Bhavisya Nidhi  Award : రాజమహేంద్రవరంలోని ప్రాంతీయ ఉద్యోగ భవిష్య నిధి కార్యాలయం చిన్న తరహా కార్యాలయాల్లో దేశంలో ఉత్తమమైనదిగా ఎంపికైంది. ఆ సంస్థ  71వ వ్యవస్థాపక దినోత్సం వేళ ప్రకటించిన భవిష్య నిధి అవార్డ్ 2023 రాజమహేంద్రవరం ప్రాంతీయ ఈపీఎఫ్​ కార్యాలయానికి దక్కింది. వాటాదారుల సమస్యల పరిష్కారంలో తమ సేవలకు మెచ్చి అవార్డు ఇచ్చారని ప్రాంతీయ పీఎఫ్‌ కమిషనర్‌  మనోజ్ కుమార్ హర్షం వ్యక్తం చేశారు.

'దేశ వ్యాప్తంగా 84 చిన్న ఈపీఎఫ్​ కార్యాలయాల్లో మా రాజమహేంద్రవరం శాఖ ఉత్తమమైనదిగా ఎంపికైంది. కేంద్ర కార్మిక ఉపాధి శాఖ మంత్రి రామేశ్వర్ తేలి చేతుల మీదుగా అవార్డు అందుకోవడం జరిగింది. దేశంలోనే మా కార్యాలయం  ప్రథమ స్థానంలో నిలవడం పట్ల గర్వంగా ఉంది.' -మనోజ్ కుమార్​, ప్రాంతీయ పీఎఫ్‌ కమిషనర్

'ప్రజలకు ఉత్తమైన సేవలు అందించడం మా లక్ష్యం. వినియోగదారుల పెదవుపై చిరునవ్వే మా ధ్యేయం. మా కార్యాలయం ఈ రెండిటికి కట్టుబడి పని చేస్తుంది. దానికి ఫలితమే  అవార్డు.' -శ్రీనివాస్, అసిస్టెంట్‌ ప్రాంతీయ పీఎఫ్‌ కమిషనర్