క‌డ‌ప జిల్లాలో ఉక్కు క‌ర్మాగారం నిర్మించాలంటూ.. విద్యార్థి జేఏసీ ఆధ్వర్యంలో పాదయాత్ర చేపట్టారు. ఈ నెల 15న జ‌మ్మ‌ల‌మ‌డుగులోని ఉక్కు శిలాఫ‌ల‌కం నుంచి చేప‌ట్టిన ఈ పాదయాత్ర.. నేడు మైదుకూరు చేరుకుంది. ఈ క్రమంలో స్థానిక విద్యార్థులు వారికి స్వాగతం పలికారు. అలాగే జేఏసీ నాయ‌కుల వెంట న‌డిచి త‌మ సంఘీభావాన్ని ప్ర‌క‌టించారు. కేంద్ర ప్ర‌భుత్వం వెంటనే సెయిల్ ఆధ్వర్యంలో ఉక్కు క‌ర్మాగారం నిర్మించేలా ప్ర‌క‌ట‌న చేయాల‌ని వారు డిమాండ్ చేశారు. ల‌క్ష‌లాది మందికి ఉపాధి క‌ల్పిస్తున్న విశాఖ ఉక్కు క‌ర్మాగారాన్ని ప్రైవేటీక‌ర‌ణను విర‌మించుకోవాల‌ని కోరుతూ.. కేంద్ర ప్ర‌భుత్వానికి వ్య‌తిరేకంగా నినాదాలు చేశారు.
ఇదీ చదవండీ.. వైకాపా నేతల అక్రమాలకు ఏపీలోని జైళ్లు సరిపోవు: ధూళిపాళ్ల
