ద్విచక్రవాహనాన్ని ఢీకొన్న ప్రైవేట్ బస్సు... వ్యక్తి మృతి

ద్విచక్రవాహనంపై వెళ్తున్న ఓ వ్యక్తిని ప్రైవైట్ బస్సు ఢీకొట్టడంతో... ఓ వ్యక్తి అక్కడికక్కడే మృతిచెందిన సంఘటన కడప జిల్లా రైల్వేకోడూరు మండలంలో జరిగింది.

రైల్వేకోడూరు మండలం లక్ష్మీగారిపల్లి వద్ద ద్విచక్ర వాహనంపై వెళ్తున్న పగడాలపల్లెకు చెందిన చింతల వెంకటయ్య(60) అనే వ్యక్తిని... హైదరాబాద్ నుంచి తిరుపతికి వెళ్తున్న మార్నింగ్ స్టార్ వోల్వో బస్ వెనుక నుంచి ఢీకొట్టింది. వెంకటయ్య అక్కడికక్కడే మృతిచెందాడు. మృతుడికి భార్య, ఇద్దరు పిల్లలు ఉన్నారు. తలకు తీవ్ర గాయం కావడంతో మృతిచెందాడని... అందుకే బైక్ నడిపేవారు తప్పనిసరిగా హెల్మెట్ ధరించాలని పోలీసులు సూచించారు.

ఇవీ చదవండి....బైక్​ను ఢీకొట్టిన ఎంపీ గోరంట్ల మాధవ్ కారు