బైక్​ను ఢీకొట్టిన ఎంపీ గోరంట్ల మాధవ్ కారు

అనంతపురం జిల్లా గజరాంపల్లి వద్ద ఎంపీ గోరంట్ల మాధవ్ కారు.. రోడ్డు దాటుతున్న  ఓ ద్విచక్ర వాహనాన్ని ఢీ కొట్టింది. ఈ ప్రమాదంలో ఓ వ్యక్తి గాయపడ్డాడు. వెంటనే స్పందించిన ఎంపీ క్షతగాత్రుణ్ని స్థానిక ఆసుపత్రికి తరలించారు. అనంతరం మెరుగైన వైద్యం కోసం అనంతపురం ఆసుపత్రికి తీసుకెళ్లారు.

అనంతపురం జిల్లా పామిడి మండలం గజరాంపల్లి వద్ద హిందూపురం ఎంపీ గోరంట్ల మాధవ్​ కారు.. ద్విచక్ర వాహనాన్ని ఢీకొట్టింది. ప్రమాదంలో బైక్ నడుపుతున్న వ్యక్తికి గాయాలయ్యాయి. క్షతగాత్రుడికి ప్రథమచికిత్స అందించి పామిడి ప్రభుత్వ ఆసుపత్రికి తీసుకెళ్లారు. అనంతరం మెరుగైన వైద్యం కోసం అనంతపురం ఆసుపత్రికి తరలించారు.

ప్రమాదంపై ఎంపీ గోరంట్ల మాధవ్ మీడియాతో మాట్లాడారు. అనంతపురం నుండి కర్నూలు కలెక్టర్ కార్యాలయానికి వెళ్తున్న సమయంలో.. రోడ్డు దాటుతున్న రైతు ద్విచక్ర వాహనాన్ని తన కారు ఢీ కొట్టిందని ఎంపీ తెలిపారు. వెంటనే స్పందించి క్షతగాత్రుణ్ని ఆసుపత్రికి తరలించామని తెలిపారు. ప్రమాదంలో గాయపడిన వెంకటేశ్వరరెడ్డి చికిత్సకు అయ్యే ఖర్చు మొత్తాన్ని తానే భరిస్తానని... అతని కుటుంబానికి గోరంట్ల మాధవ్ హామీ ఇచ్చారు. వెంకటేశ్వరరెడ్డి ఆరోగ్యం మెరుగుపడేలా చూడాలని వైద్యులను ఎంపీ గోరంట్ల మాధవ్ కోరారు.

ఇదీ చదవండి :