ఎర్రచందనం దుంగల లెక్కల్లో తేడా..విచారణకు ఆదేశం

కడప జిల్లా ప్రొద్దుటూరు అటవీశాఖ మండలం వనిపెంట రేంజిలో ఎర్రచందనం దుంగల లెక్కల్లో అవకతవకలు అలజడి రేపుతున్నాయి. క్షేత్రస్థాయిలో విచారణ జరపాలని అటవీశాఖ ప్రొద్దుటూరు డిఎఫ్​ఓకు ఆదేశించినట్టు సమాచారం.

స్మగ్లర్ల నుంచి స్వాధీనం చేసుకున్న ఎర్రచందనం దుంగల లెక్కల్లో తేడాలు కనిపిస్తున్నాయి. స్మగ్లర్ల నుంచి స్వాధీనం చేసుకున్న ఎర్రచందనాన్ని కడప జిల్లా ప్రొద్దుటూరు గోదాముల్లో నిల్వ చేస్తుంది అటవీ శాఖ. అయితే ప్రొద్దుటూరు అటవీ శాఖ డివిజన్ పరిధిలోని వనిపెంట రేంజిలో ఎర్రచందనం దుంగల లెక్కల్లో తేడాలు రావటం ఇప్పుడు అలజడి సృష్టిస్తోంది. రికార్డుల ప్రకారం ఈ గోదాంలో 39టన్నుల ఎర్రచందనం దుంగలు ఉన్నాయని గతంలో శాఖ ఉన్నతాధికారి ఒకరు రేంజి ఎఫ్​ఆర్​వోకు తెలిపారు. అయితే వాస్తవంగా అంత మొత్తంలో లేదని తెలుసుకుని.. ఉన్నతాధికారిపై అధికారిక నివేదిక పంపారు. దీనిపై క్షేత్రస్థాయిలో విచారణ జరిపించాలని ప్రొద్దుటూరు డిఎఫ్​ఓ గురుప్రభాకర్​ను ప్రభుత్వం ఆదేశించింది.