తన నియోజకవర్గంలో దొంగ ఓట్లు ఉన్నాయంటున్న ఎమ్మెల్యే...

తన నియోజకవర్గంలో దొంగ ఓట్లు ఉన్నాయని...వెంటనే వాటిని తొలగించి వారిపై చర్యలు తీసుకోవాలని ఎమ్మెల్యే సుధీర్ రెడ్డి డిమాండ్ చేశారు. కడప జిల్లాలోని కొన్ని మండలాల్లో ఒక్కొక్కరికి రెండేసి ఓట్లు ఉన్నాయని... వెంటనే వాటిని తొలగించి వారిపై కేసు నమోదు చేయాలని ఎమ్మెల్యే ఆర్డీవోను కలిసి వినతిపత్రాన్ని అందజేశారు.

కడప జిల్లా జమ్మలమడుగు నియోజకవర్గ ఎమ్మెల్యే సుధీర్ రెడ్డి ఆర్డీవో నాగన్నను కలిశారు. తన నియోజకవర్గంలోని ముద్దనూరు మండలం చింతకుంట గ్రామంలో 136 దొంగ ఓట్లు ఉన్నాయని వాటిని వెంటనే తొలగించాలని వినతిపత్రాన్ని అందజేశారు. అదే గ్రామానికి చెందిన కొందరికి వేరు వేరు గ్రామాల్లోనూ ఓట్లు ఉన్నాయని ....ఈ డబుల్ ఎంట్రీ ఓట్లను వెంటనే తొలగించి వారిపై చర్యలు తీసుకోవాలని డిమాండ్ చేశారు. ఓట్లు వేసే వారు నిజాయతిగా వెయ్యాలని...డబుల్ ఎంట్రీ ఓట్లు ఉన్నవారిపై సెక్షన్ 31కింద కేసు నమోదు చేయాలని ఆరోపించారు.

ఇదీ చూడండి: మౌఖిక పరీక్షల్లేవ్...రాత పరీక్షలే !