అదిరేటి ఐడియా.. గొడుగు నీడలో కూలి పనులు

works in umbrella shade: మండుతున్న ఎండల్లో పనులు చేసేందుకు ఎవరూ ఇష్టపడతారు. ఎంత అవసరం ఉన్నా.. ఎండలో పని చేస్తే ఆరోగ్యం దెబ్బతింటుందని కూలీలు సైతం ముందుకు రావడం లేదు. అందుకే వైయస్​ఆర్​ జిల్లాలో కొందరు రైతులు వినూత్నంగా ఆలోచించారు. కూలీలకు ఎండవేడి నుంచి ఉపశమనం కోసం గొడుగులు ఏర్పాటు చేశారు.

Coolie works in umbrella shade: భానుడి తాపానికి పచ్చని భూములు సైతం మలమలా మాడిపోయి... బీటలు వారుతున్నాయి. ఇంతటి వేడిలో పనులు చేయడానికి కూలీలు జంకుతున్నారు. పంట పొలాల్లో పని చేసేందుకు కూలీలు ఎవరూ రావడం లేదు. దీంతో వైయస్‌ఆర్‌ జిల్లా లింగాల, సింహాద్రిపురం మండలాలకు చెందిన చీనీ, నిమ్మ రైతులు ఓ ఆలోచన చేశారు. రైతులు పనిచేసే ప్రదేశంలో కూలీల కోసం గొడుగులు ఏర్పాటు చేశారు. ఈ గొడుగుల నీడలో రైతులు ఎండ నుంచి కాస్త ఉపశమనం పొందుతూ పనులు చేసుకుంటున్నారు.

ఇదీ చదవండి: మూలకు పడ్డ సౌర విద్యుత్తు కేంద్రం.. అధికారులు తీరుపై నేతల మండిపాటు