50 ఏళ్ల నిరీక్షణకు తెర... అందుబాటులోకి వంతెన

కడప శివారులోని రాయచోటి రైల్వే గేటు వద్ద నిర్మించిన హై లెవల్ రైల్వే వంతెన ప్రజలకు అందుబాటులోకి వచ్చింది. ముఖ్యమంత్రి జగన్ దీనిని ప్రారంభించారు.

కడప రాయచోటి రైల్వే గేట్ వద్ద రూ. 82 కోట్లతో నిర్మించిన రైల్వే వంతెనను ముఖ్యమంత్రి వైఎస్​ జగన్​మోహన్​ రెడ్డి ప్రారంభించారు. 50 ఏళ్ల నుంచి ఎదురుచూస్తున్న ఈ వంతెన నిర్మాణం ఇప్పటికి పూర్తికావటంతో నగరవాసులు హర్షం వ్యక్తం చేస్తున్నారు. వంతెన ప్రారంభోత్సవ కార్యక్రమానికి ప్రజలు భారీగా తరలివచ్చారు. సీఎం జగన్ అక్కడినుంచి రిమ్స్​కు వెళ్లారు. ఆ తరువాత ప్రత్యేక హెలికాఫ్టర్​లో ఇడుపులపాయకు వెళ్లారు. రేపు, ఎల్లుండి ముఖ్యమంత్రి జిల్లాలో పలు ప్రారంభోత్సవాలు, శంకుస్థాపనలు చేయనున్నారు. 25వ తేదీ కుటుంబ సభ్యులతో కలసి పులివెందులలో క్రిస్మస్ వేడుకల్లో పాల్గొంటారు.

ఇదీ చదవండి:ఎన్‌ఆర్‌సీకి మేం వ్యతిరేకం: సీఎం జగన్‌