రైలు పట్టాల కింద కొట్టుకుపోయిన మట్టి,తప్పిన ప్రమాదం

కడప జిల్లా ప్రొద్దుటూరులో రెప్పపాటు కాలంలో రైలు ప్రమాదం తప్పింది. రాత్రి కురిసిన వర్షానికి కాకిరేణి పల్లి సమీపంలో రైలు పట్టాల కింద మట్టి కొట్టుకుపోయిన విషయాన్ని, అక్కడ విధులు నిర్వహిస్తున్న కీమెన్ గుర్తించాడు. దీంతో అదే మార్గంలో వస్తున్న విజయవాడ-ధర్మవరం రైలును నిలిపివేశారు. మరమ్మత్తులు చేసిన తరువాత రైలు పంపడంతో ప్రయాణికులు ఊపిరి పీల్చుకున్నారు.

కడప జిల్లా ప్రొద్దుటూరులో రాత్రి కురిసిన వర్షానికి కాకిరేణి పల్లి లో రైలు పట్టాల కింద మట్టి కొట్టుకుపోయింది. గమనించిన రైల్వే కీమెన్ అప్రమత్తమయ్యారు. దీంతో విజయవాడ నుంచి ధర్మవరం వెళ్తున్న రైలును నిలిపివేశారు. సుమారు గంట పాటు రైలును మార్గమధ్యలోనే నిలిపివేసిన అధికార్ల, రైలు పట్టాల కింద మట్టి మరమ్మతులు చేశారు. అనంతరం రైలును పంపించారు. రైల్వే కీమెన్ అప్రమత్తత వల్లే ప్రమాదం తప్పిందని ప్రయాణికులు ఊపిరి పీల్చుకున్నారు.

ఇదీ చదవండి:ఆహారంలో బల్లి..25 మంది విద్యార్థులకు అస్వస్థత