వైకాపా ప్రభుత్వం అధికారంలోకి వచ్చాక రోజుకో దుర్మార్గపు వార్త వినాల్సి వస్తోందని చంద్రబాబు ఆరోపించారు. మైదుకూరులో జగన్ బంధువు తిరుపాల్‌రెడ్డి అక్బర్ బాషా భూమి కబ్జా చేసినట్టు తెలిసిందన్నారు. కొంతమంది పోలీసులు విధులు పక్కనపెడుతున్నారని.. సివిల్ పంచాయతీల్లో పోలీసులు తలదూర్చడం మామూలైందని ఆరోపించారు. ఎన్‌కౌంటర్‌ చేస్తానని బాధితుడిని బెదిరించడం దారుణమని ఆగ్రహం వ్యక్తం చేశారు. పోలీసులే దౌర్జన్యానికి దిగితే సామాన్యుడికి దిక్కెవరని ప్రశ్నించారు.
'గతంలో నంద్యాలలో సలీం కుటుంబం ఆత్మహత్య చేసుకుంది. అక్బర్ కుటుంబం కూడా తమకు అదే మార్గం దిక్కంటోంది. తెదేపా అండగా ఉంటుంది.. అక్బర్ బాషా ధైర్యంగా ఉండండి. ప్రభుత్వం వెంటనే అక్బర్ బాషా కుటుంబానికి న్యాయం చేయాలి. బాధ్యులపై ప్రభుత్వం వెంటనే చర్యలు తీసుకోవాలి' - చంద్రబాబు
ఇదీ చదవండి:
