స్ట్రాంగ్ రూమ్​లకు ఈవీఎంల తరలింపు

కడప జిల్లా రాజంపేట నియోజకవర్గంలోని 281 పోలీంగ్ కేంద్రాలలోని ఈవీఎంలను ప్రత్యేక వాహనంలో కడపలో ఏర్పాటు చేసిన స్ట్రాంగ్ రూమ్​కు తరలించారు.

రాజంపేట నియోజకవర్గానికి చెందిన ఈవీఎంలను కడప జిల్లా కేంద్రంలో ఏర్పాటు చేసిన స్ట్రాంగ్ రూమ్​కు తరలించారు. నియోజవర్గంలో 281 పోలింగ్ కేంద్రాలు ఉండగా.... 281 చొప్పున ఈవీఎంలు, వీవీ ప్యాట్లు, కంట్రోల్ యూనిట్లతో ఎన్నికలు నిర్వహించారు. వీటన్నింటిని నిన్న సాయంత్రం పోలింగ్ తర్వాత రాజంపేట అన్నమాచార్య బీఈడీ కళాశాలలో ఏర్పాటుచేసిన స్ట్రాంగ్ రూమ్​కి తీసుకువచ్చారు. నియోజకవర్గానికి కాస్త దూరంగా ఉన్న వీరబల్లి, సుండుపల్లి మండలాల నుంచి ఈవీఎంలు రాత్రి 12 గంటలకు చేరుకున్నాయి. వీటిని రాత్రంతా స్ట్రాంగ్ రూమ్ లో భద్రపరిచారు. నేటి ఉదయం ప్రత్యేక వాహనంలో కడపలో ఏర్పాటు చేసిన స్ట్రాంగ్ రూమ్​కు రిటర్నింగ్ అధికారి నాగన్న పర్యవేక్షణలో తరలించారు.

ఇవీ చదవండి

పోట్లదుర్తిలో సీఎం రమేష్ ఇంటి వద్ద ఉద్రిక్త