వైభవంగా తిరుమలకు 14వ మహా పాదయాత్ర

శ్రీమాన్ తాళ్ళపాక అన్నమాచార్య సేవాసమితి ఆధ్వర్యంలో 14వ తిరుమల మహా పాదయాత్ర ఘనంగా ప్రారంభమైంది. ప్రజలు సుఖ సంతోషాలతో ఉండాలనే సంకల్పంతో 14 సంవత్సరాలుగా ఈ పాదయాత్ర చేస్తున్నట్లు పాదయాత్ర నిర్వాహకుడు వెంకటేశ్వరరావు తెలిపారు.

కడప జిల్లా రాజంపేట మండలం తాళ్ళపాక అన్నమాచార్య ధ్యాన మందిరం నుంచి తిరుమల మహా పాదయాత్ర వైభవంగా ప్రారంభమైంది. శ్రీమాన్ తాళ్ళపాక అన్నమాచార్య సేవాసమితి ఆధ్వర్యంలో భక్త బృందం తలపెట్టిన 14వ తిరుమల మహా పాదయాత్రకు ఆయా ప్రాంతాల్లో భక్తులు ఘనంగా స్వాగతం పలికారు. రాజంపేట పట్టణంలో వీహెచ్​పీ రాష్ట్ర నాయకుడు కాకర్ల రాముడు, సీపీఎం నాయకుడు రవికుమార్, లయన్స్ క్లబ్ నాయకుడు షేక్ అబ్దుల్లా, టీడీపీ నాయకుడు చంద్రమౌళి తదితరులు ఈ కార్యక్రమంలో పాల్గొన్నారు. ఈ సందర్భంగా పాదయాత్ర నిర్వహకుడు వెంకటేశ్వరరావు మాట్లాడుతూ శ్రీమన్ తాళ్ళపాక అన్నమయ్య అడవి మార్గం ద్వారా తిరుమలకు చేరుకున్న మార్గాన్ని అభివృద్ధి చేయాలని కోరారు. ప్రజలు సుఖ సంతోషాలతో ఉండాలనే సంకల్పంతో 14 ఏళ్ళుగా ఈ పాదయాత్ర చేస్తున్నట్లు తెలిపారు.

ఇవీ చూడండి...