Young Man Cut Young Woman Throat: పశ్చిమగోదావరి జిల్లాలో ప్రేమోన్మాది చేతిలో తీవ్రంగా గాయపడిన యువతి కోలుకుంటున్నట్లు ఏలూరు ప్రభుత్వ ఆసుపత్రి వైద్యులు తెలిపారు. యువతి కుటుంబసభ్యులకు స్వల్ప గాయాలైనట్లు వెల్లడించారు.
తాడేపల్లిగూడెం గ్రామీణ మండలం కొండ్రుప్రోలులో దారుణం జరిగింది. గత 2 నెలలుగా ప్రేమిస్తున్నానంటూ యువతి వెంటపడుతున్న రాజులపాటి కల్యాణ్ అనే యువకుడు.. అర్ధరాత్రి ఆమె ఇంటికి వెళ్లి గొంతు కోశాడు. అడ్డొచ్చిన యువతి చెల్లెలు, తల్లిని చాకుతో కోశాడు. ముగ్గురినీ.. ఏలూరు ప్రభుత్వ ఆస్పత్రికి స్థానికులు తరలించారు. గతంలో యువకుడిని పలుసార్లు యువతి తండ్రి హెచ్చిరించినట్లు తెలుస్తోంది. తాడేపల్లిగూడెం గ్రామీణ పోలీసులు కేసు నమోదు చేసి దర్యాప్తు చేస్తున్నారు.
"గతంలోనూ ప్రేమిస్తున్నానని వెంటపడ్డాడు. అప్పుడు మా నాన్న పెద్దమనుషులతో వార్నింగ్ ఇచ్చాడు. అయినా సరే వినలేదు. గడ్డివాములకు నిప్పంటించి.. గొంతు కోసి పారిపోయాడు". - యువతి సోదరుడు
ఇవీ చదవండి:
