'పూట గడవని పరిస్థితుల్లో మద్యం దుకాణాలకు అనుమతిస్తారా ..?'

మద్యం దుకాణాలు తెరవటం పట్ల పశ్చిమగోదావరి జిల్లా తణుకులో మహిళలు ఆందోళన చేపట్టారు. ఉపాధిలేని ప్రస్తుత పరిస్థితుల్లో మద్యం దుకాణాలు తెలిస్తే... ఉన్న డబ్బంతా మద్యం దుకాణాలకే వెళ్లిపోతాయని ఆవేదన వ్యక్తం చేశారు.

పశ్చిమగోదావరి జిల్లా తణుకు పట్టణ పరిధిలోని కొండాలమ్మపుంతలో మద్యం దుకాణం తెరవటం పట్ల మహిళలు అభ్యంతరం వ్యక్తం చేశారు. దుకాణం వద్దకు చేరుకుని ఆందోళన చేశారు. చేసుకోవటానికి పనులు లేక కుటుంబాలు గడవని స్థితిలో మద్యం దుకాణాలు తెరిస్తే వచ్చిన డబ్బులన్నీ... మద్యం దుకాణాలకే వెళ్లిపోతాయని వారు ఆవేదన వ్యక్తం చేశారు.

మహిళలు నిత్యావసరాలు నిమిత్తం బయటకు వెళ్లటానికి నిబంధనలు అడ్డు వస్తాయని... కాని మద్యం అమ్మకాలకు నిబంధనలు అడ్డురావా అని ప్రశ్నించారు.