పశ్చిమగోదావరి జిల్లాలో ప్రశాంతంగా భారత్ బంద్

కేంద్ర ప్రభుత్వ ప్రజా, రైతు వ్యతిరేక విధానాలకు వ్యతిరేకంగా చేపట్టిన భారత్ బంద్ పశ్చిమగోదావరి జిల్లాలో ప్రశాంతంగా కొనసాగుతోంది. రాష్ట్ర ప్రభుత్వం బంద్​కు మద్దతు ప్రకటించడంతో బస్సులు డిపోలకే పరిమితమయ్యాయి. హోటళ్లు, దుకాణాలు మూతపడ్డాయి.

కేంద్ర ప్రభుత్వం అమలు చేస్తున్న రైతు, ప్రజా వ్యతిరేక విధానాలు, ప్రైవేటీకరణను నిరసిస్తూ జరుగుతున్న బంద్​లో భాగంగా పశ్చిమ గోదావరి జిల్లా వ్యాప్తంగా ఆర్టీసీ సర్వీసులు నిలిచిపోయాయి. రాష్ట్రం ప్రభుత్వం బంద్​కు మద్దతు ప్రకటించడంతో వాటిని ముందుగానే డిపోల్లో నిలిపేశారు. నిత్యం ప్రయాణికులతో కళకళలాడే బస్టాండ్​లు బంద్​తో బోసిపోయాయి. వాణిజ్య సముదాయాలు స్వచ్ఛందంగా బంద్ పాటిస్తున్నాయి.

ఇదీ చదవండి: న్యాయ సమీక్షకు పోలవరం హెడ్‌వర్క్స్ అదనపు పనులు