ఏసీ రిపేర్ చేస్తుండగా పేలుడు... ముగ్గురికి గాయాలు

ఏసీ రిపేర్ చేస్తుండగా పేలుడు సంభవించి ముగ్గురు గాయాలపాలయ్యారు. ఈ ఘటన ఏలూరులో జరిగింది.

పశ్చిమగోదావరి జిల్లా ఏలూరులో ఏసీ కంప్రెసర్ మరమ్మతులు చేస్తుండగా ప్రమాదం జరిగింది. కంప్రెసర్ పేలి ముగ్గురికి తీవ్ర గాయాలయ్యాయి. ఏలూరు నగరంలోని టూ టౌన్ పరిధిలోని డీమార్ట్ ఎదురుగా కళ్యాణ్ అనే వ్యక్తి తన దుకాణంలో ఈ ఘటన ప్రమాదవశాత్తూ జరిగింది. ఒక్క సారిగా మంటలు వచ్చిన పరిస్థితుల్లో.. దుకాణం యజమాని కళ్యాణ్ తోపాటు అతను వద్ద పనిచేస్తున్న సిబ్బంది రఘు, చందుకు గాయాలయ్యాయి. వెంటనే వీరిని ఏలూరు ప్రభుత్వ ఆస్పత్రికి తరలించారు. పోలీసులు కేసు నమోదు చేశారు.