ఎమ్మెల్యే ఆరిమిల్లి రాధాకృష్ణ వారపు సంతలో ఎన్నికల ప్రచారం
జిల్లాలో ప్రాధాన్యత కలిగిన వారపు సంతల్లో తణుకు ఒకటి. ఇక్కడ జరిగే సంతకు చుట్టుపక్కల సుమారు వంద గ్రామాల నుంచి జనం వచ్చి...అమ్మకాలు, కొనుగోళ్లు జరుపుతారు. ఈ విషయం గమనించిన రాధాకృష్ణ పార్టీనాయకులు, కార్యకర్తలతో కలిసి సంతలో ప్రచారం నిర్వహించారు. ప్రతీ దుకాణం వద్దకు వెళ్లి అమ్మకందారులను, కొనుగోలుదారులను కలిసి తెలుగుదేశం పార్టీకి ఓట్లేసి గెలిపించాలని అభ్యర్థించారు. ఇదే సమయంలో పలువురు వ్యాపారులతో మమేకమై తాను వ్యాపారిగా మారారు. పూల దుకాణంలో పూలను, కాయకూరల దుకాణంలో కాయగూరలను అమ్మారు.
