పశ్చిమగోదావరి జిల్లా తాడేపల్లిగూడెం వద్ద 16వ నెంబర్ జాతీయ రహదారిపై లారీ బస్సు ఢీ కొన్నాయి. ఈ ఘటనలో ఒకరు మృతి చెందగా.. ఏడుగురికి గాయాలయ్యాయి. వీరిని ప్రథమ చికిత్స కోసం పెంటపాడు ఉంగుటూరుకి చెందిన 108 వాహనాల ద్వారా తాడేపల్లిగూడెం ఏరియా ఆస్పత్రికి తరలించి చికిత్స అందిస్తున్నారు.
తాడేపల్లిగూడెం రూరల్ సీఐ రవికుమార్ ఆదేశాలతో ట్రాఫిక్ను క్రమబద్ధీకరించారు. గాయపడిన వారికి వైద్యం కోసం ఏర్పాట్లు చేస్తున్నారు. హైదరాబాద్ నుంచి విశాఖపట్నం వెళ్తున్న శ్రీ కృష్ణ ట్రావెల్స్ డ్రైవర్ కంగారు పడటం వల్లే ఈ ప్రమాదం జరిగినట్లు భావిస్తున్నారు. తాడేపల్లిగూడెం రూరల్ పోలీసులు కేసు నమోదు చేశారు.
ఇదీ చూడండి.
