రైతుల దీక్షలకు.. చింతమనేని మద్దతు

రైతులు చేపట్టిన రిలే నిరాహార దీక్షలకు దెందులూరు మాజీ ఎమ్మెల్యే చింతమనేని ప్రభాకర్ మద్దతు తెలిపారు. అమరావతిలోనే రాజధానిని కొనసాగించాలని డిమాండ్​ చేశారు. రైతుల త్యాగాలను మంత్రులు అవహేళన చేయడం సరికాదని హితవు పలికారు.

అమరావతి రైతులకు మద్దతుగా దెందులూరులో అన్నదాతలు చేపట్టిన రిలే నిరాహార దీక్షలు రెండో రోజుకు చేరుకున్నాయి. మాజీ ఎమ్మెల్యే చింతమనేని ప్రభాకర్ వారికి సంఘీభావం తెలిపారు. ప్రభుత్వ అవసరాల కోసం, ప్రజా పరిపాలన కోసం భూములిచ్చిన రైతులను కష్ట పెడుతున్నారని చింతమనేని ఆవేదన వ్యక్తం చేశారు. అమరావతిని అసెంబ్లీ సాక్షిగా ఆనాడు ఒప్పుకున్న జగన్ నేడు మాట మార్చారని మండిపడ్డారు. ఇప్పటికైనా అమరావతి రైతులను అన్ని విధాలా ఆదుకోవాలని, వారి డిమాండ్లను పరిష్కరించాలని చింతమనేని కోరారు. మూడు రాజధానులతో ప్రజలకు ఎలాంటి ప్రయోజనం ఉండదన్నారు.

ఇవీ చూడండి...